मी आणि ’तो’

आजकाल संध्याकाळच्या रम्य वेळी ......
मी आणि ’तो’ हातात हात घालून फिरतो ,
बराच वेळ एकांतात गुजगोष्टी करतो.

हो ’तोच’ माझा खरा मित्र ......

दुःखाच्या काळात ही साथ देणारा ,
कोणी नसेल की सोबतीला धावून येणारा !

’तोच’ माझा सर्वात जवळचा मित्र .....

मला माझी स्वतःची ओळख करून देणारा ,
एका वेगळ्याच विश्चात घेवून जाणारा !

’तोच’ एक जीवाभावाचा मित्र ......

प्रत्येक गोष्टीवर विचार करायला लावणारा ,
कवितांसाठी शब्द जुळवायला प्रेरित करणारा !

’तोच’ तो माझा खरा मित्र ..........

माझा एकाकीपणा !!!!

--- स्वाती ०१-१२-२००८