Wednesday, October 29, 2008

का मन हे स्वप्नात रमते ???


का मन हे स्वप्नात रमते ...
का वेड्या आशा जागविते ...
का नजरेस कोणाच्या भूलते ...
उगीच कोणासाठी तरी झुरते !

कधी होते कठोर पाषाणाहूनी ...
कधी हळवे होऊनी रडते ...
आठवणींना जुन्या कुरवाळते कधी ...
कधी बेधुंद होऊनी हसते !

कोणी अनोळखी येता जीवनी ...
जीव ओवाळूनी टाकते ...
विश्वासघात होता अचानक ...
"आपले कोण?" उत्तर शोधत राहते !

कोणी निघूनी जाई दूर ...
उधळूनी सारी रंगीबेरंगी स्वप्नं ...
वेडे मन हे असे फसते अन्
वेदना अंतरी कायम जपते !!!


का मन हे स्वप्नात रमते ...

का वेड्या आशा जागविते ...

----- स्वाती

3 comments:

  1. दिले होतेस वचन तू मग ...साथ सोडूनी गेलास का ?
    जीवनाच्या प्रवासात ...अर्ध्यावर निघूनी गेलास का ?

    जखम अशी देऊनी गेलास, जी कधी भरणार नाही
    का दिल्यास वेदना अशा, ज्यांचा अंत होणार नाही
    स्वप्ने काचेची सजवूनी, चूरचूर करूनी गेलास का ?
    दिले होतेस वचन तू मग ...साथ सोडूनी गेलास का ?

    खोट्या साऱ्या आणाभाका .. प्रेमही ते खोटेच होते
    अश्रू, वेदना, एकटेपणा .. हेच का सारे नशीबी होते
    बंध नाजूक प्रीतीचे असे तोडूनी गेलास का ?
    दिले होतेस वचन तू मग ...साथ सोडूनी गेलास का ?

    ReplyDelete
  2. plzzzzzzzzzzzz samjun ghena mi kann pakdto yar nako ashi wagu mala ek khar sang jevha to tuzyashi asa wagla hota tevha tu kai kele hote plzzzzzzzzzzzzzz mala kalu trai dena yar maze kay chukale nanter hav tar tu mala mar orad pan plzzz shweta ashi gapp nako

    ReplyDelete
  3. नजर तुला शोधत राहते
    तू दिसेपर्यत
    मग पापन्याआड़ लपून राहते
    तू समोर असेपर्यत

    ajun ekadi nahi suchli kai navin kavita mi wat pahtoy na mi mag responce denar

    ReplyDelete