Thursday, October 23, 2008

साथ सोडूनी गेलास का ?


दिले होतेस वचन तू मग ...साथ सोडूनी गेलास का ?
जीवनाच्या प्रवासात ...अर्ध्यावर निघूनी गेलास का ?

जखम अशी देऊनी गेलास, जी कधी भरणार नाही
का दिल्यास वेदना अशा, ज्यांचा अंत होणार नाही
स्वप्ने काचेची सजवूनी, चूरचूर करूनी गेलास का ?
दिले होतेस वचन तू मग ...साथ सोडूनी गेलास का ?

खोट्या साऱ्या आणाभाका .. प्रेमही ते खोटेच होते
अश्रू, वेदना, एकटेपणा .. हेच का सारे नशीबी होते
बंध नाजूक प्रीतीचे असे तोडूनी गेलास का ?
दिले होतेस वचन तू मग ...साथ सोडूनी गेलास का ?

1 comment:

  1. ***मैत्री तुज्यासाठी**
    तुझ्या पासून दूर जाताना
    मन जड़ झाले होते
    चेहरा हसरा दाखवला तरी
    डोळे भरून आले होते ...

    रात्रं पटकन सरते
    तुला उराशी धरून
    मग दिवसभर तुला पहात राहते
    मी परक्यासारखं दुरून

    वेड्या क्षणी भास् होतो
    तू जवळ असल्याचा
    डोळे उगीच दावा करतात
    तू स्पष्ट दिसल्याचा

    ReplyDelete